Borusija demolirala Keln za prvo mjesto

Fudbaleri Borusije iz Dortmunda deklasirali su Keln na svom stadionu rezultatom 6:1 u 25. kolu Bundeslige.
“Milioneri” su na taj način sa 53 boda preuzeli prvo mjesto na tabeli od Bajerna, koji ima bod manje i koji će će sjutra imati šansu da se vrati na lidersku poziciju ako ne izgubi u Leverkuzenu.
Seriju golova je u 15. minutu otvorio Rafael Gereiro, koji je na najbolji mogući način krunisao fanstastičnu akciju svojih saigrača i asistenciju Malena, za 1:0.
Samo dva minuta kasnije je prednost duplirana. Belingem je povukao i uposlio Rojsa, koji je petom proigrao Gereira, a ovaj iz prve “ćušnuo” loptu do Alea. Uslijedio je perfektan udarac pod prečku, za 2:0.
Treći gol je pao u 32. minutu, ponovo je asistent bio razigrani Gereiro, a strijelac Rojs, silovitom šutem sa 13 metara.
U 36. minutu Donijel Malen je na efektan način završio svoj prodor i zakucao loptu pod prečku, za 4:0.
Keln se na kratko prenuo i u 42. minutu smanjio na 4:1 preko Zelkea.
U drugom poluvremenu zatišje do 69. minuta, a onda je Sebastijan Ale “bacio petardu” i matirao golmana Švabea za 5:1. 
Samo 60 sekundi kasnije bilo je 6:1, a Rojs je svojim drugom golom okončao još jednu izvrsnu akciju Borusije.

Podijeli:

Related posts

Leave a Comment